Промовирање на енергетската ефикасност во општините

Целта на проектот е градење на капацитетите на општинските власти за изготвување на општински акциски планови за енергетска ефикасност, согласно методологијата што се користи за развој на два урнеци – општински акциски планови. Тоа ќе се постигне преку дисеминирање на резултатите на проектот, техничката помош за промовирање на енергетската ефикасност во општините, вклучувајќи ги урнеците на општински акциски планови, студии на случаи, насоки и сл. на серија од работилници на кои беа спроведени обуки наменети за општинските власти и други засегнати страни. Поконкретно, активноста вклучува дисеминирање на резултатите од техничката помош и на општинските акциски планови за енергетска ефикасност за поширока употреба, како и пренесување на знаење и искуства преку работилници за обука и можности за репликација во сите општини (81) во Македонија. Активности:

• Развој на методологија и временски план за активноста;
• Подготовка, печатење и објавување на водич за енергетска ефикасност;
• Развој и реализација на план за комуникација со медиуми;
• Организирање на осум регионални работилници за обука низ цела Македонија за тоа како се изготвуваат ефикасни општински акциски планови за енергетска ефикасност;
• Конечен извештај за имплементацијата, наоди и препораките за понатамошна дисеминација.

Резултати:

• Подготовка, печатење и објава на водич (на три јазици: англиски, македонски и албански): „Како да подготвиме програма за енергетска ефикасност“ – седум чекори до енергетски ефикасна општина;
• Спроведени 8 регионални работилници за обука со повеќе од 460 учесници;
• Реализирана информативна и промотивна кампања преку повеќе национални и локални медиуми, интернет страници, социјални медиуми, итн.