Проектот на УСАИД за развој на деловниот екосистем

Во соработка со проектот на УСАИД за развој на деловниот екосистем , Консалтинг за стратешки развој (КСР) како подизведувач на истиот, во период од 4 години (2018-2021) работеше на подобрување и развој на конкурентноста и продуктивноста на микро, малите и средни претпријатија (ММСП) во Северна Македонија преку зајакнување на бизнис услугите, финансиите и пазарните врски, пред се на организациите за поддршка на бизниси, но и на приватните компании од земјоделскиот сектор и текстилната индрустрија.

Консалтинг за стратешки развој (СДЦ) презема одговорност за спроведување на активностите во 2 компоненти на проектот. Во првата комонента се обезбеди техничка и грантовска поддршка на организациите за поддршка на бизниси, преку менторство и обуки со цел градење на капацитетите и одржливост на организациите. Покрај ова како дел од другата компонента на проектот КСР беше дел од активностите за поврзувањето на малите производители и добавувачи со водечките фирми со цел нивен пристап до нови и безбедни пазари и со адресирање на потребата од работна сила во специфични струки го поддржа процесот на обука и вработување за невработени млади и возрасни, лица кои бараат преквалификација.

Активности:

• Зајакнување на внатрешните капацитети и одржливост на организациите за поддршка на бизниси;
•  Реализација на грантови и техничка поддршка на овие организации;
• Преставување на нови услуги на организациите или надградување на постоечките;
•  Вмрежување и размена на знаење преку организирање средби за вмрежување ;
•  Набавка на машини за производство на текстил за потребите на 9 помали текстилни фабрики во земјава, во соработка со поголеми партнерски текстилни компании;
•  Набавка на машина за чистење и пакување на компири за земјоделска компанија од Велес;
•  Организирање и спроведување на 6 месечни обуки за 3Д моделирање и анимација, вклучително привлекување, тестирање, кариерно профилирање и избор на кандидати за учество во обуките.

Постигнати резултати:

• 3483 ММСП помогнати преку имплементација на грантовите на организациите за поддршка на бизниси,
•  3542 нови работни места отворени во асистираните ММСП,
•  Просечен годишен раст од 12% кај приходите на асистираните ММСП,
•  Просечен раст од 115% кај членството на организациите за поддршка на бизниси,
•  2751 лице обучено за некоја нова вештина,
•  235 ММСП поврзани со нови купувачи,
•  144 подобрени процеси во здруженијата за поддршка на бизниси;
•  9 компании за производство на текстил обезбедени со дополнителна опрема.