Обезбедување поддршка при развивање на методологија за социјално мапирање

Регионалниот проект „Социјални права за ранливи групи II (SoRi II)“ се спроведува од Германското федерално Министерство за економска соработка и развој (БМЗ) и Германско Друштво за меѓународна работа (ГИЗ) со цел да ги подобри условите за живот на загрозените групи во петте земји од проектот ( Албанија, Босна и Херцеговина, Косово, Северна Македонија и Србија,), со фокусирање на економските, социјалните и културните човекови права обезбедени од релевантни државни и недржавни актери во согласност со главниот принцип на Агендата 2030„Никој да не биде изоставен“.

Консалтинг за стратешки развој во рамките на својот ангажман на проектот обезбеди поддршка за развивање алатка за социјално мапирање.

Активности:

•  Изработен еден аналитички извештај што произлегува од проценка на потребите и консултативните состаноци одржани со Здружението на единиците на локална самоуправа во Република Северна Македонија.
• Изработени три аналитички извештаи врз основа на спроведени интервјуа и консултативни средби со Заводот за статистика во Северна Македонија, проектот на ГИЗ во Северна Македонија и една невладина организација во врска со социјалното мапирање .
• Изработен е аналитички извештај врз основа на спроведено интервју и консултативна средба со Министерството за труд и социјална политика во Северна Македонија, кој се осврнува на постојните празнини на податоци во системот во однос на изоставени групи (ранливите групи)
• Подготвен аналитички извештај врз основа на интервју и консултативна средба со Канцеларијата на народниот правобранител во кој се сумираат потребите за податоци на институцијата во однос на изоставените групи (ранливи групи).
• Подготовен аналитички извештај врз основа на десктоп истражување на националната правна рамка во Северна Македонија во врска со заштитата на личните податоци.