Градење капацитети на приматели на грантови во рамки на Регионалниот проект на УСАИД за економски развој, управување и раст на претпријатијата (EDGE)

Регионалниот проект на УСАИД за економски развој, управување и раст на претпријатијата го ангажира Консталтинг за стратешки развој во периодот мај-декември 2021 година да работи на градење на организациските и управувачки капацитети на 12 организации приматели на грантови од регионот за Западен Балкан, Кавказ и Украина, со цел истите да се оспособат за поефикасно и поефективно исполнување на своите мисии. Воедно, целта е да се промовира градењето капацитети и одржливост на локалните граѓански организации, владини субјекти и приватниот сектор.

Активности:

1. Обуки на следните 5 теми :
– Најдобри алатки и практики за спроведување на онлајн активности и настани,
– Прибирање на средства (Fundraising),
– Бизнис планирање и развој,
– Организациско управување,
– Управување со комуникации и односи со јавноста.

2. Техничка поддршка и менторство за 4 од организациите за креирање на бизнис план кој ќе овозможи поставување на јасна развојна стратегија, цели, план за развој на услугите и градење на внатрешните капацитети, како и план за нивна одржливост.