Подготовка на извештаи за квалитет на живот

Проектот на УНДП „Подготовка на извештаи за квалитет на живот“ има за цел системски да го подобри дизајнот и испораката на локалните услуги и на тој начин да придонесе за подобрување на квалитетот на живот на граѓаните на земјата. Главната задача е дефинирана како: „Дизајн (и развој) на систем за проценка и следење на влијанието на услугите врз квалитетот на животот на граѓаните на општинско ниво“. Целта е да се подобри мониторингот и евалуацијата (М & Е) на испорака на локални услуги преку воспоставување на национални механизми за истражување и развој наменети за ЕЛС. Овие механизми ќе ја зголемат транспарентноста, пристапноста и квалитетот на испорака на услуги на општинско ниво. Активности: Предложените проектни активности се градат околу три главни компоненти:

• Подобрување на мониторингот, дизајнирање и обезбедување на веќе децентрализирани услуги;
• Помагање на општините да преземат нови услуги во согласност со инклузивните планови за локален развој;
• Осигурување дека општините можат да обезбедат доволно приходи за испорака на сите потребни јавни услуги.

Резултати:

• Спроведени 8 работилници за претставници од општини во сите региони на Македонија;
• Изготвени 81 извештаи од сите општини во Македонија;
• Изготвена веб платформа со податоци од различни категории од сите општини.