+389 2 3119 106
contact@sdc.com.mk
  • en_GB
  • mk_MK
  • За нас
  • Проекти
  • Повици
  • Публикации
  • Постигнувања
  • Мултимедија
    • Актуелно
    • Видео Материјали
    • Галерии
  • en_GB
  • mk_MK
  • Контакт
  • За нас
  • Проекти
  • Повици
  • Публикации
  • Постигнувања
  • Мултимедија
    • Актуелно
    • Видео Материјали
    • Галерии
  • en_GB
  • mk_MK
  • Контакт

Повик за ангажирање на обучувач(к)и/тим експерт(к)и за развој и испорака на програма за обука и менторство за жени претприемачки

Повик за ангажирање на обучувач(к)и/тим експерт(к)и за развој и испорака на програма за обука и менторство за жени претприемачки во Република Северна Македонија

 

Консалтинг за стратешки развој во рамки на проектот Економско вклучување и правда за жените од Западен Балкан (EWI) има потреба од ангажирање на искусни обучувач(к)и/тим од експерт(к)и кои што во времетраење од најмногу триесет (34) консултантски денови во периодот од ноември 2026 до февруари 2027 година ќе ги реализираат следните активности:

  • Развој на програма за обука и менторство во две тематски области: финансиско управување и продажба за одржлив раст на бизнисот; и дигитален маркетинг, вештачка интелигенција и канали за продажба. Програмата е наменета за жени претприемачки, вклучително и жени од маргинализирани заедници, и треба да вклучува методологија за спроведување на работилниците, содржина и работен материјал (практични вежби, квизови и тестови за евалуација на знаењето пред и по обуките), соодветно прилагодени на различниот степен на знаење, писменост и дигитални вештини и на културниот контекст на учесничките.
  •  
  • Спроведување на обуки во двете тематски области, за група од најмногу 32 учеснички. Обуките треба да овозможат стекнување практични знаења и вештини за подобрување на финансиското управување, зголемување на продажбата и приходите, како и за користење на дигиталниот маркетинг, вештачката интелигенција и дигиталните канали за промоција и продажба. Динамиката на спроведување на обуките ќе биде дополнително договорена, вклучително и временските интервали меѓу деновите од одделните обуки/работилници.
  •  
  • Спроведување на менторски сесии во двете тематски области, за дополнителна поддршка на учесничките во примената на стекнатите знаења и решавањето практични проблеми во нивните бизниси. Менторството треба да придонесе кон подобрено финансиско управување и поголема одржливост на бизнисите, зголемен капацитет за продажба и генерирање приходи, како и зголемена дигитална видливост и поефикасна употреба на дигиталните алатки и канали за промоција, продажба и привлекување клиенти.
  •  
  • Подготовка на финален извештај за спроведените активности согласно образецот обезбеден од Care Balkans и Консалтинг за стратешки развој. Извештајот треба да биде поднесен на англиски јазик.

 ПОДОБНОСТ ЗА АПЛИЦИРАЊЕ

Ангажманот е отворен за правни (компании, асоцијации, здруженија и сл.) и за физички лица. За потребните документи за понудата, Ве молиме погледнете го прикачениот Опис на задачи (Terms of Reference).

 Краен рок за поднесување на апликации: 12 ноември 2026 година.

Прашања поврзани со ангажманот може да се достават најдоцна до 6 ноември 2026 г. на следнава е-маил адреса: contact@sdc.com.mk. Бараните документи на англиски јазик треба да се достават на: contact@sdc.com.mk, најдоцна до 12 ноември 2026 г.

ОСНОВНИ ИНФОРМАЦИИ

  • Објавен на: 30.10.2026
  • Валиден до: 12.11.2026
  • Се аплицира по електронска пошта, со документи за апликација на англиски јазик

ДОКУМЕНТИ

Опис на задачи (Terms of Reference)

Официјален повик

Подготвени за нов проект?

Да започнеме заедно нов проект, искористете ја можноста да работите со екпертите кои навистина можат да ви помогнат да ја реализирате вашата идеја!
Контактирај нè

Сите права се задржани © 2018 Консалтинг за стратешки развој 2018.